මිලීනව, පිත්තලෙන් දිලුණ
වැඩක් නැති වෑල්වය
උඩ ලගින රෙගුලේටරය
හිස් සිලින්ඩරේ
වැඩ නැත
දොරමුල්ලේ...
අනේ මකුළුවෝ
උඹ මහසියෙන් වියන
රටා දාපු දැල
දුකයි මට
ආවේ නැද්ද හාමු
මෙතෙක් කාලෙට
නැහැනේ බිත්තර සුදු
මල්ල අහලක...
අද එනවලු
ගෑස් කඩේට
මං හොයනවා
ටෝකන් කෑල්ල
තුන් මසක් පරණ
නමා යටකර තියාපු
ලොකු කොලේ
නැහැ පේන්නට...
ඉතිං අවසරයි
උස්සන්නට සිලින්ඩරේ
පෑදුණොත් වාසනාව
කඳුළින් පිඹින
අවපැහැ නෙතු අගට
සිහිලක් දැනේවි
තව ටික දවසකට...
No comments:
Post a Comment