තිත්ත නැද්ද රොන - Bitter Nectar

 

ඇඟිලි රටාව

ලස්සන කොළ

එල්ලෙන ලතාව

විහිදා පහුර

මැස්සේ පිපිලා

පුංචි කහ

කරවිල මල

වටා පියඹන

බඹරුනෙ

තිත්ත නැද්ද

මලේ රොන…

යුගල් පද: කුලකය - with in Brackets

යුගල් පද කුලකය

උස මහත

යන එන

දෙස් විදෙස්

ඇති හැකි

වත් පොහොසත්

සළු පිළි

පාට පාට

මොනවා වුණත්

වරහන් තුළ

කුලකේ එකලස්

හරි වැරදි

ඇත නැත

වස් දොස්

කළු කපුටන්

සුදු කර

වර වර

කූඩුවෙන් නිදහස්

බුබුල - The Bubble

පුපුරන තුරු

අරං

ටික ටික

හුළං

පුරවාගන්න

හිස්

පටලය...

අසම සම ගෙත්තම - Biometric

 

අසම සම ගෙත්තම

සුමුදු ඇඟිලිවල

වයිරම් රේඛා ඇන්ඳේ කවුරුද

නවලොව තැන තැන නිතරම

ගත උණුසුමට සුවහසක් වගතුග සුපිරීක්සන

මීමැසි විලසේ තතු අරගෙන පියාඹන...

ලස්සන නීල නුවන් යුගලේ

සොඳුරු කතාවක් ලීවේ කවුරුද

තෙරක් නැති ජීවන මංපෙතේ

තොටින් තොට හිඳ එබී සුපිරීක්සන

දෙබරුන් රහසේ පිටපතක් විදගෙන...

ඇඟිලි රේඛාවන්, කළු ඉංගිරියාව

විස්මිත අපූරු ගෙත්තම

කවුරු කෙලෙස කළේ ද

සුවහසක් තතු ඇති

මනුලොව සජීවි හැඳුනුම

අසම සම...

අනේක හැඩ රටාවන් පිරි රේඛා සිත්තම 

අල්ලා ගත්තද විදු සිප් ශිල්ප

දත්ත කන්දරාව අංකනය කළ

සුළැඟිල්ලක වෙත් ද මෙච්චර විස්තර

හිතාගනු මැන නෙතක මහිමය...

 

උණුසුම සෙනෙහස ජවය

ජීවිතය පුබුදුවන අරුමය

තුඬැඟිලි කෙළවර දැවටුණ,

පිටුවෙන් පිටුව කියවා ඉවර නැති

සෙනෙහෙබර පොත

නීල නෙත් යුගලය

සොඳුරියේ

සැසඳුම් උපමා නැති...

ආගන්තුක යෙදුම්:

ඇඟිලිවල වෛරම් රේඛා = ෆින්ගර් ප්‍රින්ට්

ගත උණුසුමට සුපිරීක්සන = බයෝමැට්‍රික් ස්කැනරය (ක්‍රියාකරන්නේ ශරීරයේ උණුසුමට සංවේදීව)

සුපිරීක්සන = ස්කැන් කිරීම

අංකනය කළ = ඩිජිටයිස්

අසම සම = යුනික්

සුළැඟිල්ලක වෙත් ද මෙච්චර විස්තර = ෆින්ගර් ප්‍රින්ට් ඉමේජයක සුවිසල් බයිට් ප්‍රමාණය