Friday, August 20, 2021

කටු අකුලේ පිපෙන - The Roses

 


කුරුල්ලොත් පලා ගිහින් ද
බියවි සයිරන් නලාවට 
නිදි නැතිව උන්නත්
කනවැකෙන තුරු අසාන් හඬ
විනාඩි කීපයක නින්ද
අවදි කළේ පන්සිල් නද

හැඟුම් බර මුහුණු
එල්ලාගෙන උණුවතුර බෝතල
පුංචි උරමලු, දුවන්නේ උදෙන්ම
පුරෝගෙන පැතුම් නිරතුරු

ඇයි තව හැංගිලා මලානිකව හිරු
මන්ද මා විවර කළේ කවුළුව
දකින්නට ලොරි පෙළ
බුරුත පැහැ ගැන්වූ පෙට්ටි ඇසිරු

නැඟ අසුපිට සැරසී සුදෝ සුදු
ඉනවටලා අත උරහිසට මුමුණන, 
පාපැදිය පරණ'මුත් තවම තරුණයි 
සැතැපුම් ගණන් පැද යන සොයුරන්,
රිය පෙළහැර පාට පාට ධන සටහන්
කඩි මුඩියේ ජීවක කැල
දුවන්නේ කෙලෝරක් නැති මැරතනයට...
ඉරා අඳුරු පට එබී බලන හිරු රැස්
වාසනාවකි කටු අකුලේ පැතුම් මල් පුබුදන
සුරැකේවා ලබා සියලු දිරි සුව සවි
අපි ඉමු පරිස්සමෙන්
ඒකයි ඔවුනට කරතෑකි ඉහළම ගරු

Wednesday, August 18, 2021

උන්ගේම අධිකාරිය

 


නැග උසින් උස
බැස පල්ලම් අගාධ
පාරිභෝගිකයා
ආරස්සා කරයුතු
බල අධිකාරිය,
උන්ගේ කරමතින් නැග
සොයන්නේම
මුදලාලිගේ සුරාන්තය...

Wednesday, August 4, 2021

එපා හැරයන්න, එපා අතහරින්න - Don’t Give-up


හැම දේම වැරදුණ කල,
එහෙමත් වෙන්න පුළුවනි සමහර විට
හෙම්බත් දෙපා එසවෙද්දි,
ගමන් මග පුරා ගිරි දුර්ගය
කාසි පනම් නැති කල,
ණය තුරුස්ය අහස උසට
පුංචි සිනා පොද ද යටකර,
නැගෙන්නේ සෝ සුසුම්ය
සැලකිලි අඩු වෙද්දි,
තැවෙනවා ඇති සිත් පොඩ්ඩ
එහෙත්, එපා එපා පලායන්න,
විරාමයක් දෙන්න ජීවිතයට...

වට වංගු ගිරි දුර්ග පිරුණ
ජීවන ගමන අමුතුය...
බොහෝවිට අලුත් යමක් උගන්වන
අනේක වැරදීම්ම ඉතිරි කරන,
සාර්ථක වූ දා සුබ පල ගෙනෙන
එගමන සෙමින් විය හැකිය,
එහෙත්, එපා එපා අතහරින්න

ඔබ ඉදිරියේ පෙනෙන මග ඇහිරිලාද,
නැත, බාධක පර්වත මගහැර
වෙනතකට හැරුණ වංගුවකි
බොහෝ විට ජය කණුව
වැඩි ඈතක නොවෙන්න පුළුවනි
එපා, එපා නවතින්න
යන්න, ඉදිරියටම යන්න