අම්මේ නුඹ Architect

අම්මේ නුඹව

පාගපු හැම එකාම දුන්නේ

වෙනම ගැම්මක්

කෙලවරක් නැතුව රිදවපු හැම

වාරෙම රටාවක්

ජීවිතය ජයගන්න

වාරුවක්...

Mother's Day 2024

ඇට‍යක වෙත් ද

සවිමත් කඳ, අතු ඉති රිකිලි

මුදු ලාදළු, බෝ රළු පත්

සුමුදු, සුවඳැති මධු බිඳු පිරි මල්

නෙක කටු, පරිස්සමට වකුටුව

කෝම ඇසුරුවා ද චූටි ඇටයක?

සම අසමව,

පුදුමයකි!

සන්තකේ මොනා දැයි බලනු රිසි නම්

ඉතිං, පැල කලයුතු.

වැඩෙන්නට, දුවා සවි ඇති මුල්

වැළඳගෙන මහපොළොව,

සිව් සම ගෙවා

සිප අහස් කුස විහිදා අතු ඉති,

කාලයක් අවැසි වුවද

බෙදන්නට රස ඵල...

විහිදා පුංචි හරිත පත් බෙදනවා ඇති

ලොබ නැතිව හුස්ම පොද, පොද

සෙනෙහසින් දෑත් විහිඳු දා සිට

ජීව වායුව අමිල.

English Version: What’s Packed in a Seed?