Friday, May 1, 2020

මැයි දිනය - May Day


වසර 1886 මැයි පළමු දින
වැඩ වරා රොක් වුණ
කම්කරු විරුවනී
හේමාකට් චතුරශ්‍රයේ
පැය අටක වැඩ මුරය ඉල්ලමින
හිත්පිත් නැති උණ්ඩ වරුසාවට
ළය දුන්න සිවු විරුවනි
ආචාරය මෙන්න,
අයුතු බලයට ලේ හැලුමට
විරෝධය පාමින්න
ජන ගඟක් ගැලුවා
දින සිව් වැන්න
තාඩන පීඩන මැද
සිර බත රසකර කන්න
කැප වුණ විරුවනි
ආචාරය මෙන්න,
කම්කරු අයිතිය ජයගන්න
රතු ලෙය පුදා ජීවිත බිලි දුන්න
විරුවන් සිහිකරන
ජගත් මැයි දිනය
ලොව සමරන්න...
සමයකි කටු ඔටුන්නක හැඩ
කුරිරු කොරෝනා වියාදිය
ලොව බිලගන්න
රතු කමිසය ඇඟලා ගන්න
වේදිකාවේ කෑ මොර
නැතුවට ඔන්න
වැඩකරන හැමට
සාධාරණ වැඩමුරයක් දිනුමට
එදා කැපවුන විරුවන් සිහිකරමු
තනි තනිවම අද...

2020 වසරේ මැයි දිනය නිමිත්තෙනි

No comments:

Post a Comment