ප්‍රයාණය - The Journey

 

දිළෙමින හිරු එළියේ

විටෙක මැලවෙමින

විඳිමින මද සුළඟ

මැඩගෙන මාරුත

අතු ඉති

දළු මල

උල් කටු ද එක සමව සුරැක්ක

උඩ පහළ යනෙන පපුතුරට

හුස්ම පොද ලබා දුන්න

හරිත පතක පුංචි පුල්ලියක්,

නැග එන හිරු බැස යන

ගෙවමින දින දින

විදහා වට වට

වැඩෙනා පැල්ලමක්,

පලවා හරිමින හරිතය

අවපැහැ ගිලගනී

විග විගසින,

තැන තැන පොත්ත පිපුරුන

ගැට ඉලිප්පුන කඳ

කඳුළ තද කරගෙන

බලා හිඳී,

ඉදුන කොළ පත

තවත් ගමනක

දින ගනී...

* ප්‍රයාණය = ගමන, journey