මුදුන් වහලේ යටලීය

රස්නය මිස

උරුම නැත

ලහිරු කිරන,

කාලයේ වියැකෙන

වැහි සීරාවේ

තෙතමනය මිස

වරම නැත

සුමුදු සඳකැන,

එනමුදු රඳවාගෙන

සැකිල්ල පිළිවෙළට

උරදෙන වහල

සදන සෙවන...

සොඳුරු නිවහනක

ස්ථිතික ආකර්ෂණය - Attraction by Static Current

රැල්ල

පීරන කල

එකම දෙසට

වේ ආරෝපණය පදමට

ඇදගනී සැහැල්ලු

හැම එදෙසට

පවතින තුරු

මන්දායුෂ

ස්ථිතික ආරෝපණ...

English version:  Attraction by Static Current

නොපිදූ පිදුම

දෝතට ගත්

ගල්කැට අහුර

මුදාහලෙමි

කැටය කැටය

දමා ගැහුවත්

කන්දක ගල්

මදි හින්දා...


English version: Threw Away

කුමරියේ බැලුම් හෙළන

තට්ටු තරාදිය කොක්ක උඩින්

වමතින් ඔසවාගෙන

දෙපැත්ත කැපෙන කඩුව

අනික් අතින්ගෙන

නීල දෑස රෙදිකඩකින්

වසා අඳකර

ජිප්සි සාය රැළි වළලුකර

වටා හැඩකර

කුමරියේ...

මලකඩ බැඳි

හයි වුණ පුරුක් දම්වැල්

එල්ලෙන තට්ටු යුවළ

දණ්ඩ මැද්දෙන් කොක්ක බදාගෙන

කිරන්නේ කෝමද සම බරව...

තිබුනට මුවහත දෙපැත්තේ

එක වගේ නැති කඩුව

කපන්නේ කෝමද සම සමව...

ඇත්ත කියාපන්

කුමරියේ...

දිරාපත්ව සිදුරු පෑදුණ

ඇස්බැඳි රෙදිකඩ තුළින්

නුඹ බලනවා නේද

නොපෙනෙනා සේ...

විඩාබර නම්

කුමරියේ...

පසෙකලා මොහොතක්

ඇස්බැඳි රෙදිකඩ 

තට්ටු තරාදිය

දෙමුවහත් කඩුව

දැතේ ඇඟිලි තුඩුවලින්

මෑත්කර විහිදුවා

රැළි සාය රවුමට

නටමු 

අහිකුණ්ඨික නැටුමක් 

සංගීතෙ තාලෙට...

English version: Beauty in Sad

කඩවීදියේ පායන අවුරුදු සඳ

නිදිකිරන කාර්තුවක් ඇදගෙන

ගාටමින් යන මාර්තුව අග

කඩවීදියේ තැන තැන

කූඩාරම් කඩ පූදිනවා

ලොකු සාප්පු කඩවල

රාක්ක මත සැතැපෙන අයිටම්

අලුත් මෝස්තරවලට ඉඩ දී

පාර දිගේ අවුරුදු සේල් වෙනවා

ගිනි කාස්ටකේ බැට කන

කඩවීදිය සෝ සුසුමෙන් පුරවන

පොඩි සීසනල් මුදලාලිලා

කොහා කොහේදැයි විමසනවා

විඩාබර දවස අග ඉර

ඈත සයුරේ සැඟවෙන්නට මත්තෙන්

කඩවීදියේ පායන සඳ

පොලී මුදලාලි හිනැහෙනවා...

නිලමැස්සෝ

ඔසවාගෙන විසල් බඳ

නිල් කොළ පාටින් දිලෙන

සලා විග විගස පියාපත්

නාරටි රටා විනිවිද වාගේ පෙනෙන

රූං ගා ඇදෙන 

නිලමැස්සෝ ජරා ගොඩම සොයන...