වෙරළක සැඳෑව - Sunset Beach

ඉස්සර දවසක ලස්සන හවසක

රන්වන් මූදු වැලි තීරය දිගේ

ඔහේ ඇවිද ගිය කාලය මතක ද...

ඈත එපිට ආකාසෙ සිපගෙන

නිල් සයුර දිලිසෙන ලස්සන...

පෙරළි පෙරළි එන රළපෙළ

වෙරළට ගේන මුදු කිරිපෙන...

පාට සේළයෙන් සැරසී වලාපෙළ 

බැස යන හිරුට සමුදෙන ලස්සන...

දසත අඳුර පැතිරෙන ඇසිල්ලේ  

මියුරු හඬ දී පියාඹා යන සියොත් කැල...

ඈත දියඹේ මතුවෙන සැඟවෙන

පහන් සිළු පාවෙන ලස්සන...

මුසුකොට සරසන සුන්දර සැඳෑව...

නෙක වද විඳ බැටකන දවස අග

පුංචි ඉසිඹුව...

හැරමිටිය - Walking Stick

හැරමිටිය අතේ දරන්නා එය ආධාරකයක් කරගෙන සෙමින් සෙමින් පියවර මැනිය හැකිය. පුරුද්දට අතේ අරන් හයියෙන් යා හැකිය. වටේ කරකැවිය ද හැකිය, එනමුත් හැරමිටිය අනෙකාගේ නාසයේ නොගැටෙන සේ පරිස්සම් විය යුතුය.