රෑ එළියක් - The Nightlight

අඳුරු අහසේ

නිමි නිමි දිලෙන

ළංව මුමුණන තරු

ඈත බැබලෙනවා

වාරකන් මුහුද

හෝ හෝ හඬ නගාගෙන

ඈත වෙරළේ

රළ බිඳලනවා

නිදි දෙව්දුව

ගී ගයද්දී මියුරුව

තැන තැන ටෙලිෆෝන

මොරදෙනවා

කළුවර අහසේ

ලා කොළ පාට

එළියක්!

සක්මන් කරනවා

චන්ද්‍රිකාවක්

පියාඹන පීරිසියක්

ඩ්‍රෝන කැමරාවක්

නෙතු අහසට ඇදෙනා

වාසනාව ගෙනෙනා

දේවතා එළියක්

නිදි නැති

බැති සිත් දකිනා

අඳුරු වලාපට

ඉරාගෙන දිවාකර

කුරුලු නද පුරෝගෙන

සුබ දවසක් ගෙනෙනවා

මුදාහල දිගු වරලස

සරසා දෙඋර

පාට පාට සරුංගලයක් අහසේ

තාලෙට ඉඟසුඟ නළවනවා

උරහිස කොඳු නාරටිය

සරසන චූටි චූටි මුදු එළි පේළි

උදා හිරු දැක

හෙමිහිට සැඟවෙනවා...

නිමිත්ත: 2019යේ අඳුරු වාරකන් රැයක අහසේ දිස්වෙන එළියක්