පාර දිගේ
කුටි
පාපැදි
ස්කූටර
රෝද තුනේ බයිසකල
බෝඩ් ලෑල්ලක
ඇණ හිරකර
උදෙන්ම පිපෙන
රුපියල් විස්සේ මල්,
වාසනාවේ ටිකට්
විකුණන...
මිටින් එකක්
අතින් අරන්
ටවුම පුරා
විදී දිගේ
ඇවිද ගොසින්
ඇය වික්කේ
අහිංසක සිනාවක්
එක් කර...
කවදා මුදාලන්නේ ද
ඉර, රාහු ගිලගත්
පිපෙන්නට මල්
ගුමු ගුමු බිඟුවනට
තුඩ තුඩ විද ගන්නට
කොමිස් සොච්චමක්
බඩ වියත රකින...
මනරම් කවියක්.
ReplyDeleteසතුටුයි, බොහෝම ස්තුතියි
Deleteස්වීප් විකිණෙන්නේ නැති එකෙන් මහපොළ ශිෂ්‍යත්ව අරමුදලටත් හානියක් නේ ද?
ReplyDeleteඔව්. ස්වීප් ආදායමෙන් රැකෙන අරමුදල් කීපයක්ම තියෙනවා. ඒවායේ යම් සංචිතයක් ඇති. ඒත් දවස් ගානේ හැම තැනම ගිහින් පොඩි කොමිස් මුදලකින් ජීවිතය ගැට ගහගන්න උදවිය... ඔවුන්ට ආයෙත් පාරතොටේ ඇවිදින්න කරන්න ඉඩ ලැබීම ගැන සතුටුයි.
Delete