රැල්ල

ඈත සාගර ජලතල

ගැටෙන සුළං කඳ

මතු කරන කැලතිල්ල

මවන ලොකු පොඩි රළ පෙළ

ඔද තෙද පාමින

අවුදින් ගෙවා මහ ගව් 

ගොඩකරේ අබිමුව

බිඳි පොඩිව වෙරළෙ විසිරෙන

කිරි සුදු මුදු පෙණ

ගැටුමක...

ගිමන් හරින ගැඹුරු සයුර ඈතක

නිසසලය තැන්පත්ය

තවත් සුලඟක් හමන තුරු...

ජිල් බෝල

වටකර පාට හැඩතල

විනිවිද වීදුරු බෝල

නෙක සෙල්ලම් පාන

දිලිසි දිලිසී සාප්පුවෙන් එන

නවමු ගිනි ටොයියන්

ගැටී උරෙනුර මතුවුණ කඩතොලු

ඔප මොට කබ්බන්

රොක්වෙලා මැදිකර ජිල් වල

හිරවී ඉරි හතරක කොටුවක

බෝල සෙල්ලම

තියෙන තුරු හැඩ වටකුරු...

වීදුරු බෝල

දිලෙන

පාට හැඩතල පාමුල

විනිවිදය මියැදෙන,

ටිකෙන් ටික දිස්නේ මිලිනව

බොඳවෙන

තව ඉත්තෝ පිලෙන් පිලට එක්වෙන