සැඳෑ අහස අද වෙනස්ය,
සුදු සේළයෙන් සැරසී
ඈත රන්වැලි තීරයේ රඟන
රළ බිඳෙන හඬ යටකර,
අඳුර කපාගෙන
තුරු වැල් අතරින් හිනැහෙන
වෙරළ ඉමේ ඉහළට නැගි
දුර ඈත සුරපුරය මුදුනේ
තාලෙට නිමි නිමි දිලෙන
රතු එළියත් සෝදාගෙන ගිහින් ද
මොර සූරන වැස්ස වහිනවා...
සඳලුතලෙන් බැස හිරිකඩ
ඈත්කර දුහුල් තිරපට
එබී බලා ඔච්චම් කරනවා ද
මොර සූරන වැස්ස වහිනවා...
සඳ තරු නැති
මගේ නුබ ගැඹරේ
තනිය මකන්නට
ගයමින්, වයමින් තාලෙට
මොර සූරන වැස්ස වහිනවා...
No comments:
Post a Comment