මිතුරේ සයුරු රළතෙම

ඈත දියඹේ අහස සිඹ
ඉකිරි කවඩි අරගෙන
තාලෙන් තාලෙට රැළි නගා
වෙරළට එන

පුංචි පැටව් කැනූ අගල්
කිරිසුදු පෙනින් පුරවන
වැලි මාලිගා බිමට හලා
ඔච්චම් කරන

වෙරළේ වැලි තීරය
සිත්සේ තෙත් කර
රන් පැහැ රටා දමා
ඔපවත් කරන

ලොකු පොඩි සැම
මද නලින් පිලිගෙන
හිතේ දුක රූරා අරගෙනා
සිතිජයේ හලන

මිතුරේ සයුරු රළතෙම
ඉඳහිට සැර වෙන
නිවී ඈතට යනෙනා
දිවි රැකදෙන

කෝපවෙන්ට එපා කිසිදින
ඔදතෙද පිරි නුඹේ පව්ව අබිමුව
කුහුඹුවනි අපි වූ අසරණා
වරක් පෑගුන

සුනාමි ඛේදවාචකයේ සයවන වසර සිහිකරමින් ...
නිල් සයුර අප මිතුර අරන් ඇවිදින් පුංචි රළපෙළ ලස්සන කරනු මැන අපේ වෙරළ

කෝපවෙන්ට එපා කිසිදින

ලස්සන සමනළයා

රැඳෙන්නට ඉඩදුන්
පතක එල්ලුන
බිජුවකින් එළිදැක
පතම කා
ගසද වනසන
දළබුවා
හැංගිලා කුටියක
හැඩවෙලා
තටුලබා ඉගිල යයි

ලස්සන සමනළයා

පාලමේ හැඩ

උස් පහත් පොළොවක
එතෙර මෙතෙර තැනින් තැන
සිරසට එසවුණ මහ කුළුණු
තිරසට යාකර තැනෙන පාලම
දෙපැත්තක අත්වැට

කුළුණු අතරින් ගලන
දිය දහර මද පවන සැඩ සුලඟ
ඔරු පාරු මහ නවුකා ද
පාලම උඩින් පේලි සැදී
යති එති රිය පෙරහැර

කුළුණු පාමුල රොක්වෙන රොඩු
පොළෝ තලයේ වෙනස්කම්
කුළුණක පිහිටුම සවිබලය
වෙනස් කළොත් හැඩය

වෙත් ද පාලමක්...

හරය

මොරදිදී දෙසන

අඩු වැඩිකොට

බෙදා ගුණකර

උනුනටම

වාසි ගෙනෙන සේ

සකසන

අගය

සිසිරයේ තනි වූ

සිසිරය ලඟ එතැයි

විහඟුන් රෑනින් ඉඟිල ගියා

හිම කැටි බරැතැයි

ගස් කොළ සැලුවා

හිම පොඩි දියවෙතැයි

හිරුත් ඈතට වෙලා

අඳුර නුඹ වෙළතැයි

හිමතරින් එඹී බලා

පහන්ටැඹ සැරසෙතැයි

මද එළියක් විහිදලා

මෙ ඡායා රූපයෙන් දැක්වෙන්නේ 2010 නොවැම්බර් 30 දා ජර්මනියේ ෆ්‍රැන්ක්ෆර්ට් නුවරට ආසන්න ෆ්ලෙඩ්බර්ග් කදුකර ප්‍රදේශයේ අධික හිමපතනයෙන් වැසීගිය දසුනකි.

ඡායා රූපය දුටුවිට සිතුනේ; ඇති හැකි පුලුවන් උදවිය හිම වැටෙන්නට කලින් යන්න ඇති...

ඡායා රූපය: AP Photo

එපා හලන්නට හිම සළුපට

නීල අහසේ

ඉහළට නැග

සිපගෙන වළාපෙළ

පැලැඳි හිම සළුපට

එපා හලන්නට

කෝප වී

වස්සා

මොර සූරන වැසි

යටකරන පහත්බිම

වෙසෙන අසරණයින්

නැහැ කලේ වරදක්

උත්සන්නට

රසදිය කඳ

විකි ලීක්ස්

ලෝ ජන බලවත් කරනට පෙනීසිටි පෝතකයා
කීකරු රැල සුරකින්නට නූල් ඇදි පුරෝහිතයා
ලොවටම මාත්තරා දෙන ඇස්බැන්ඳුම් දේශකයා
උඩු සුලඟට නිරුවත් වෙලා බූවලු චරපුරුෂයා

කොළටික කපා කඹ අග ඉන්නා උනට දියව්
කාන්දුවට පොරොප්ප බටයෙන් කපා ගනිව්
අනුනට දුන් විරේක සැර තොපත් අත්විඳ බලව්

ලැජ්ජා ඇතොත් මින්මතු ඔත්තු නොබලා ඉඳිව්

English Version: Shameful Diplomacy – WikiLeaks published in
Amazing Spring blog