යළි ගොඩනගමු

ඇද හැලුන වැසි
ඉතිරි කල දියබිඳ මත
වැටෙන සූරිය කිරණ
ඉඳ හිට කල සිතුවම
පාට දේදුන්න

හිරු පහස ලැබ
සුලඟේ පාවීයන දියබිඳ
වි‍යැකෙන පාට දේදුන්න
සමුගනි ලමා සිත

දමා හැඩතල තනා
රිංගන සුදෝ සුදු
එළිය බිද බෙදා
පාට පෙන්නන
පුන්චි ප්‍රිස්මය

හැම එක්විය යුතු අද
අරගෙන නුඹ මුල්තැන
බෙදන්නේ ඇයි
බල සුන් කර

පමා වී නැත තව
සිතන්න සබඳ
උඩු යටිකුරු කර
කාරනා වූ ප්‍රිස්මය
යළි ගොඩනැගිය
හැකිය සුදෝ සුදු
බලැති ශක්තිය
ගිලෙන්නට නොදී
උතුම් ලක් නැව

කලින් පලකල ප්‍රිස්මයේ නිර්මාණය අගයමින් සටහනක් තැබූ මා මිත්‍ර හද ගී පොත... අඩවියේ තිස්ස දොඩන්ගොඩ මහතා මෙසේ සඳහන් කර තිබුණා:

සොයා දෙන්න...
මගේ සහකරු...
නැවත දෙමී...
හද බැඳි සුද..

මෙම "යළි ගොඩනගමු" නිර්මාණය සිතේ ලියලා එන මොහොතක ඔබේ සටහන විස්මයක් ඇති කලා. සොයුරාණෙනී මෙ නිර්මාණය ඔබට තුතිමල් මිටක් සමඟ.

රූප සටහන ගත්තේ මෙතැනින්:

"http://image.tutorvista.com/content/dispersion/white-light-recomposition.jpeg"