කැටයම් - The Carving

 

තරු හෝටල සාලාවෙ

පාට පාට ආලෝකය

පීරන සුවිසල් මේස

දිලෙනවා

එළවළු ගෙඩි පලතුරු

නෙක විසිතුරු කැටයම්

පෑ දස්කම්

එපිට රථ ගාලේ

මැඩ ගෙන හිරු රස්මිය

බඩ පිට ඇලි නෑ'ලි

පොඩි එවුන් දෙදෙනෙකු

දුව දුව යදිනවා

සෝදන්න ද දිලිසෙන රිය

ඉපැයුමට

කාසි සියයක් දෙකක්

පිවිසුම් දොරටුව

රකින ලා නිල ඇඳුම්

බැන බැන එලවනවා

හිස් බඩට පුසුඹ බුදිමින්

කාසි යදින එවුන්,

කානුව දිගේ ගලා බසී

රූප කැටයමට ඉඩ දී

පතුරුව විසිවුන

රස ගුණ පිරි

ඉඳුල්