Friday, January 20, 2023

සුවඳ බොන රසාංකුර

 


දින ගාණක් වැසි අහසේ
අඳුරු වලා අතරින් එබි
හිරු හිනැහෙනවා
රැස් විහිදා

රොන් රොඳ කෙඳි වලා
හනි හනිකට ඈත ඇදෙනවා
නෑගම් යනවාදෝ
පමා වෙලා

ගං කොමලිය ඉවුරු පෙළා
වියරුව මහ මුහුදට ඇදෙනවා
කේඩෑරි තණපත්
දිය මත මුහුණ බලනවා

සුළං රොදේ වෙලී අවුදින්
කබලේ බැදෙන කෝපි සුවඳක්
රිංගා'විත් නාස්පුඩු
සුවඳේ බැරුවා

රස මිහිරි කෝපි පුසුඹ
පිරිලා දසත 
රසාංකුර සුවඳ
උරා බොනවා...

1 comment: