පාටකූරු පෙට්ටිය අරගෙන
රූප පොත පෙරළාගෙන
පොඩි පුතු විමසයි
රූපෙට දියයුතු පාට...
චොකලට් කෑල්ල චොකලට් දුඹුරුය
ස්ට්‍රෝබෙරි ගෙඩිය ස්ට්‍රෝබෙරි රතුපාටය
බ්ලූබෙරි නම් දම්පාටය
දොඩම් ගෙඩිය අපේ කොළපාටය
රට ඒවා ඔරේන්ජ් පාටයි
නෙව පුතේ...
පාටකූරු කෑලි තෝරන පොඩ්ඩා
නහය ඇඹුල් කරගෙන අතරමංව!
චොකලට් පෙත්තක, රස පළතුර
මතක නැද්ද පුතේ?
දුක හිතුණා...
රුපියල සරුංගෝලය
රුකුල් දි දී අහසේ නැගලා
වරල් සල සලා ඔහේ පාවෙනවා
කඩ රාක්ක උසින් උසය
අපි කුරු මිනිසුන් කරලා
සුරංගන කතා කියන පාලකයා
පඩිපත හූරනවා...
English version: Broken
හොඳ නිර්මාණයක්. ඒත් අන්තිම පේළි දෙක නොතිබුනානං හොඳයි කියලා හිතෙනවා.
ReplyDeleteබොහෝම ස්තුතියි, ඔබේ අදහස අගයමි. ඇත්තෙන්ම ඒ පේලි දෙක අන්තිමට එකතු කලේ ඉංග්‍රීසි වර්ෂන් එක කරාට පසුව.
Delete🤗👌
ReplyDeleteබොහෝම ස්තුතියි
Deleteලස්සනයි නිර්මාණය.
ReplyDeleteමේ යන හැටියට අනාගත පරම්පරාව ගැන තමයි දුකක් ඇතිවෙන්නෙ.
බොහෝම ස්තුතියි ප්‍රසා. ඒක තමයි කණගාටුවට කාරනයත්, පේන තෙක් මානයක එළියක් ඇද්ද සැකයි.
Delete