![](https://blogger.googleusercontent.com/img/b/R29vZ2xl/AVvXsEjtqLTnf6ZklHBFgvNUqC01b_NbHEsZglhFRlIUluyRHe5Z1XG4EIfURZaD5K1cooJvsErR6QCNctipY_nGIZ8GQ5UAjQP036FGLf8wet4Kk2MfKRVNAnIW9sa2N3nFxElfyWjlQw5eOpR1/s400/EdaMedaKavi.png)
පුරවා තින්ත ඇඟිලි තුඩ රැඳි පෑන
අකුරු කලේ ගලනා සිතුවිලි රෑන
ගුලිකල කවි තැන තැන විසිරූන
පෙරලා වර වර පදමට ඇහිරූන
අකුරු කලේ ගලනා සිතුවිලි රෑන
ගුලිකල කවි තැන තැන විසිරූන
පෙරලා වර වර පදමට ඇහිරූන
මිටිකල රස කවිපත් දුම් තැවරූන
නැතුවට කම් නැත යල්පැන ඉහිරූන
බරදී හිඳ අසුන නෙත රැඳි තිරය
සිතේ කොනක පිපෙන කවි මලය
තාලෙට සැරිසරනා ඇඟිලි තුඩය
පද මුතුවැල් මතුවී යාවෙන සිරිය
වැරදුන කල බැට කන්නේ ආපස්සා
මුතු වැල රිසි ලෙස හරිගස්සා
පිටමං වෙන්නේ සීරුවෙන් ලිස්සා
අනවැසි හින්ද ද ඉන්නට රුස්සා
නොකරට සිතුවම එක් වෙන්නේ
අරුමෙට පදපෙල හැඩ ගන්නේ
කව්මුතු සයිබරයේ පායන්නේ
තරුවකි ඈත අහසේ දිදුලන්නේ
සැන්දෑ අහසේ තව කවි මල් පිපීයන්
ඇඟිලි තුඩින් අකුරු කෙටීයන්
සිත්සරි සිතුවම සෙවුමා ගෙනීයන්
* ආපස්සා = Backspace key
No comments:
Post a Comment