ජීවිතයම සිතුවම් එකතුවකි
නුඹ සිත්තරෙකි
කැමැතිම පාට තෝරාගෙන හැඩකරන
කාලයත් සමඟ
වඩාත් කැමැති පාට විග විගස ගෙවෙන
බොහෝ විට
එතරම් ඇල්මක් නැති පාට
නිරතුරුව ඉතිරි කර…
ඇති හැකි විටෙක
අලුත් පාටකූරු පෙට්ටියක් රැගෙන
තව පිටුවක්, කීපයක්
පාට කරනු ඇත
සතොසින…
හිතැඟි පිටුවෙන් පිටුව
වෛවර්ණව පාට කර
නොදැනීම එකතු වෙනවා ඇති
එතරම් ඇල්මක් නොදැක්වූ පාට කූරු,
අතෑරුන පිටු එහෙම
පාට කෙරුමට
තේරීමකින් තොරව...
බොහෝවිට
එය ඔබේම සිතුවම නොවෙද?
