Thursday, March 1, 2018

වියැකෙන දේදුන්න


වියැකෙන දේදුන්න
අතු ඉති කිනිති
තාලෙට ලෙලෙන පවන
කර
මෝරන කුණාටු
අඹරන මහ ගස් කරටි
සිරි පොද වැස්සේ
රිද්මය වියකුල් කර
මහ වැසි
ගලන බොර දිය
සොයා යන දියමං
ගලන්නට වි
සුනිල ජල
ලබන පැසසුම්...

වැහි වලාවේ
තනි වූ දිය බිඳු
වෙලී පෙමින්
ඈත ඈත අහසේ
සැඟවුන සූරිය කිරන   
ඔකඳව
පායන පාට පාට දේදුන්න
දිලෙනවා අඳුරු අහසේ...
වියැකෙන තුරු
අහසේ තනි වූ දිය බිඳුව දෙක
මෝරන හිරු රස්මියෙන්...

අහසේ ශේෂ කෙඳි වලා රොඳ
කොහේ හෝ සැඟව යාවි
සිහිනේ ගිල්වා පාට කර
නෙත් සිත් මුළා කර
පැහැ එකතුව
සුදු හිරු රැස සැදේවි
වියළි හිස් අහස යට
මිනිසුනේ
නුඹ යදීවි...


සටහන: ගොරෝසු වචන වෙනුවට ගතානුගතික පිළුනු දේසපාලනය ගැන...

4 comments:

  1. රතු තැඹිලි කඩන කොල්ලා නිවන් ඉන් දකී.

    ReplyDelete
  2. හරිම අර්තවත් පැදිපෙලක්. සතුටුයි මල්ලි කාලෙකින් ඇවිත්.

    ReplyDelete
  3. බොහෝම කාලෙකින් මාමේ.. ලස්සනයි!

    ReplyDelete
  4. ගොදක් කාලෙකින් මම ද ආමි.

    ReplyDelete