කවිය වෑහෙන්න | Unfurl Your Words

 

ඔබේ වදන් මුදාලන්න

අහස් කුස සිසාරන්න

ඔබේ කවිය වෑහෙන්න

අත්තටු දෙන්න සැරිසරන්න

නිර්මාණ ගෞරවය මුල් නිමාණකරුවන්ට හිමිවේ.

උපුටා ගැනීම: අන්තර්ජාලයෙන් (කතෘ: Darrielle Cresswell)

පරිවර්තනය: එම්. ඩීන්, ගල්මල්-Coral

හද සයුරකි | The Heart of Man

 

මිනිස් හදවත

බොහෝ විට

සාගරය බඳුය,

එහි

කුණාටු ඇතිවේ

රළ නැගේ,

එය

ගැඹුරුය

එපතුලේ

මුතු ද වෙති.

නිර්මාණ ගෞරවය මුල් නිමාණකරුවන්ට හිමිවේ.

උපුටා ගැනීම: අන්තර්ජාලයෙන් (කතෘ: Vincent Van Gogh)

පරිවර්තනය: එම්. ඩීන්, ගල්මල්-Coral

වෙළෙන්නට ඔබ හා | Intertwine with You

 

මසිත කොඳුරයි

පතන්නේ

වෙළෙන්නට ඔබ හා

රළු රළ පෙරළමින් එනවිට

ජීවිතයේ

අපි එකෙකුම වෙනු ඇත

දුරස්කළ නොහැකි...

නිර්මාණ ගෞරවය මුල් නිමාණකරුවන්ට හිමිවේ.

උපුටා ගැනීම: අන්තර්ජාලයෙන් (කතෘ: Mustafa Tattan)

පරිවර්තනය: එම්. ඩීන්, ගල්මල්-Coral

එකා මෙන් | As One

නුඹේ දෙඩවිල්ල,

මට ඇසෙන.

නුඹේ පහස,

මං විඳින.

නුඹේ සිතුවිල්ල,

මට හැඟෙන.

නුඹේ හැඟීම,

මට දැනෙන;

ආදරය,

ආත්මය හා බැඳුන,

ගැඹුරු,

සදාකල්...

නිර්මාණ ගෞරවය මුල් නිමාණකරුවන්ට හිමිවේ.

උපුටා ගැනීම: අන්තර්ජාලයෙන් (කතෘ: නොදනී)

පරිවර්තනය: එම්. ඩීන්, ගල්මල්-Coral

මුනිවත | Scilence

නුඹේ වදනින් මට රිදෙතැයි

බියපත්ව

මුනිවතින් මා රිදවන්නේ

ඇයි නුඹ

නිර්මාණ ගෞරවය මුල් නිමාණකරුවන්ට හිමිවේ.
උපුටා ගැනීම: අන්තර්ජාලයෙන් (කතෘ: Pink Sky)
පරිවර්තනය: එම්. ඩීන්, ගල්මල්-Coral

මහද, නුඹ | Is there a Difference

 

මහද

එතැන

නුඹ,

නිච්චියක් නැහැ මට

වෙනස ඇද්ද

එතැන.

නිර්මාණ ගෞරවය මුල් නිමාණකරුවන්ට හිමිවේ.
උපුටා ගැනීම: අන්තර්ජාලයෙන් (කතෘ: A.R. Asher)
පරිවර්තනය: එම්. ඩීන්, ගල්මල්-Coral

ජීවිතය කළු සුදු | Shades of Colors

 

ගෙවන 'මුත්

කළු සුදු ජීවිතයක්

ඔබ

නිරතුරුව

අනේක පැහැයන්ගේ

එකතුවක්...

නිර්මාණ ගෞරවය මුල් නිමාණකරුවන්ට හිමිවේ.

උපුටා ගැනීම: අන්තර්ජාලයෙන් (කතෘ: Matthew Spenser)

පරිවර්තනය: එම්. ඩීන්, ගල්මල්-Coral

සිනාවක් | Save Me a Smile

 

ඔබේ සිහිනය

මට කියන්න,

ඔබේ හද

සනසන්නම්,

එකම එක සිනාවක්

තියාගන්න

මා වෙනුවෙන්,

මා හැමදා

ඔබේම වෙන්නම්...

නිර්මාණ ගෞරවය මුල් නිමාණකරුවන්ට හිමිවේ.
උපුටා ගැනීම: අන්තර්ජාලයෙන් (කතෘ: Matthew Spenser)
පරිවර්තනය: එම්. ඩීන්, ගල්මල්-Coral

නික්ම යන්නට පෙර | Before You Go

 

පුළුවනිද දෙන්න මොහොතක්?

ඔබ දිහා බලන්න

යම් විදියකින් හමු නොවුනොත් අපි ආයෙත්

මතක තියාගන්න

හිරු එළියෙන් නැහැවුන ඔබේ මුහුණ

ඔබේ දෑසේ ඇඳුන මාව...

නිර්මාණ ගෞරවය මුල් නිමාණකරුවන්ට හිමිවේ.
උපුටා ගැනීම: අන්තර්ජාලයෙන් (කතෘ: Sharyn Marsh)
පරිවර්තනය: එම්. ඩීන්, ගල්මල්-Coral

සාගරයෙන් අයදින | Crave the Ocean

 

සාගරයෙන් මා අයදිනවා.

ලවණ රස. සාටෝප සුළඟ.

හඬන නල. සුදු රළ.

පීරන රැල්ල

දයාන්විත වෙරළ ඉම

පෙලන

අහස් කුස යට

රඟන මුදු

කැටපත.

නිර්මාණ ගෞරවය මුල් නිමාණකරුවන්ට හිමිවේ.
උපුටා ගැනීම: අන්තර්ජාලයෙන් (කතෘ: Victoria Erickson)
පරිවර්තනය: එම්. ඩීන්, ගල්මල්-Coral

කවිය ඇතැම්විට | Poetry is

 

ඇතැම් දවසවල කවිය මැහුමක්, යාකරන. විටෙක එයයි තුවාලය පාරන.

නිර්මාණ ගෞරවය මුල් නිමාණකරුවන්ට හිමිවේ.
උපුටා ගැනීම: අන්තර්ජාලයෙන් (කතෘ: Blake Auden)
පරිවර්තනය: එම්. ඩීන්, ගල්මල්-Coral

කැඩුණු පියානෝවන් | Broken Pianos

 

කැඩුණු පියානෝ වාදනය කරයි ද කැඩි, කැඩී ගීත? ඉරිතැලුණ හදවතට බිඳුන තාල? එතුල වෙත්ද ගීතයක් වැයෙන්නට බලා සිටින? ඇයගේ හද යතුරුපෙල සිඳිබිඳි ස්වර නිහඬ වෙලා එනමුත් තවම රැව්දේ ඇයගේ මියුරු නද සවන් දෙන්න, සවන් දෙන්න...

නිර්මාණ ගෞරවය මුල් නිමාණකරුවන්ට හිමිවේ.

උපුටා ගැනීම: අන්තර්ජාලයෙන් (කතෘ: Tyler Knott Gregson)

පරිවර්තනය: එම්. ඩීන්, ගල්මල්-Coral

නුඹ කවියකි | You are a Poem

 

නුඹ කවියකි

ඇට මස් ලේ නහර වලින් ගෙතූ

දිදුලන තරු අනු

හා ලාලිතයෙන් සැරසූ

මට හිමි දායාදයකි, පෙමින් වෙලෙන්නට.

නිර්මාණ ගෞරවය මුල් නිමාණකරුවන්ට හිමිවේ.

උපුටා ගැනීම: අන්තර්ජාලයෙන් (කතෘ: Anita Krizzan)
පරිවර්තනය: එම්. ඩීන්, ගල්මල්-Coral

නුඹ නොව අඳුර | You are not the darkness

නුඹ නොව

අඳුර

නිමක් නැතැයි සිතන.

නුඹය

ආලෝකය

යටත් වීම

ප්‍රතික්ෂේප කරන.

* කවි සිතුවිල්ල John Mark Green පදපෙලක් ඇසුරිනි.

කටු | Thorns

 

අසන්නේ ද කවුරු හෝ

ඇයි ඔබ මෙතරම් පරිස්සම්

ඔබේම අවකාශයේ,

කියන්න ඔවුනට

රෝසමලක් ලස්සන වෙන්නට

උල්කටු වැඩුවේ නැහැ කිසිවිට.

එනමුදු,

සොබාදහම බලකරන

පරිස්සමට,

රුදුරු විලෝපිකයින් ගෙන්.

නිර්මාණ ගෞරවය මුල් නිමාණකරුවන්ට හිමිවේ.
උපුටා ගැනීම: අන්තර්ජාලයෙන් (කතෘ: නොදනී)
පරිවර්තනය: එම්. ඩීන්, ගල්මල්-Coral

ඊරිසියාව | Envy

දුටුවෙමි

වැස්සේ තෙමි තෙමි

ඉන්න ඔබ

ඊරිසියා හිතුනා

ඒ වැහි පොද එක්ක

ස්පර්ෂ කරන

ඔබේ වත

සිපගන්න නාදළු දෙතොල

අහස වුනත්

ඉවසුම් නැතිව

ඇද වැටෙනවා 

ඔබ ළඟ...

* නිර්මාණ ගෞරවය මුල් නිමාණකරුවන්ට හිමිවේ.

උපුටා ගැනීම: අන්තර්ජාලයෙන් (කතෘ: Christie L. Starkweather)

පරිවර්තනය: එම්. ඩීන්, ගල්මල්-Coral

මී පැණි රස ද මී මැස්සෝ - Bee Honey

වෙහෙසා පුංචි පියාපත්

ගෙවා ගව් ගනන්

බිඳු බිඳු පැණි එකතුකරන

මී මැස්සොනේ

ලැබෙනවා ද නුඹටත්

රස බලන්නට

මී පැණි බිඳක්, දෙකක්...

සටහන:

ලොවපුරා අනේක බවබෝග වගාවන්, කර්මාන්ත, නිෂ්පාදන වල යෙදෙන මිනිස්සු බොහෝ වෙති, අනර්ගතම දේ දෙන්න ඔවුන් වෙහෙසෙති. එහෙත් ඒවා භුක්තිවිඳීමට, රස බැලීමට ඔවුන් කීදෙනාගෙන් කෙනෙකුට ද ඉඩ ප්‍රස්ථාව ලැබෙන්නේ? එයයි නිර්මාණයට නිමිත්ත වුනේ. මී මැස්සන් ඒ අතින් වාසනාවන්තයි, උන්ගේ කෙටි ජීවිත කාලය තුළ දී මී පැණි බිඳක් රසකරන්න ලැබෙන බව කියයි. ඒ වෙනෙකකට නොව තවත් දුර පියාඹා මල්පැණි එකතු කරන්න ශක්තිය ජනනය කරන්නයිලු.