ජල අණුවක වෙත් නම්
එච්චර සංඝටක
ජලකර අම්ලකර එක්ව
නොබිඳෙන බන්ධන...
කඳුළු බිඳුවක
කොච්චර?
විශ්ලේෂණය කරන්න සිතුනා.
එනමුදු,
තුටු කඳුලක
සතුට සුවඳ උතුරන,
දුක් කඳුලක
වේදනාව කැකෑරෙන,
සංවේදනය...
තව තව ලංවී
තරවෙන,
සුනු විසුනුව
ඉහිරුණ,
බන්ධන රටාව...
වෙත් ද කඳුලක
සංයුතියේ කොතැනක...
ඔන්න ඔහේ
වියැළුනාවෙ
අතෑර දැම්මා.
දුකක් හිතට ආවම මේ දුකට වැටෙන කදුලූ
ReplyDeleteතුටක් පහල වී එද්දී නැගෙනා තුටු කඳුලූ
කොතෙක් සොයා බැලුවත් අද වටිනව මේ කඳුලූ
ඉඩක් අරන් ලිව්වා මම කවියක් ගැන කඳුලූ....
ජයවේවා !!!
ඒ කව හරිම අලංකාරයි, බොහෝම ස්තුතියි!
Delete